Fréttir

Auk fjölgunar nýrra einstaklinga í þjónustu þá glímdu ráðgjafar, starfsmenn, þjónustuaðilar og þjónustuþegar við nýjar og um margt flóknar áskoranirnar sem fylgdu Covid-19.

Við þörfnumst hver annars, við erum fædd til að tengjast. Eitt af því mikilvægasta sem við erum að læra á þessum COVID tímum er að allir skipta máli, að fjölbreytileikinn gerir okkur sterkari til að takast á við áskoranir lífsins.

Þátttaka á vinnumarkaði er einstaklingum mikilvæg, bæði sem tekjuöflun og til að uppfylla ýmsar persónulegar þarfir. Starfsfólk með skerta starfsgetu á oft erfitt uppdráttar á vinnumarkaði og atvinnuþátttaka þess hóps er almennt lægri en meðal almennings. Aðgengi starfsfólks með skerta starfsgetu að störfum á vinnumarkaði er meðal annars háð því hvernig viðhorf stjórnenda er til ráðninga einstaklinga úr þeim hópi. Hér verða kynntar niðurstöður úr nýlegri rannsókn þar sem rætt var við stjórnendur um viðhorf þeirra til slíkra ráðninga.

Á síðastliðnum árum hefur orðið mikil aukning á úrræðum sem ætlað er að bæta líðan, geðheilbrigði og lífsgæði fólks í gegnum netið eða snjallsímaforrit. Rannsóknir benda til að nánast helmingur fólks þjáist einhvern tímann á lífsleiðinni af geðröskun. Rannsóknir benda einnig til að almennt sé frekar erfitt að fá viðeigandi meðferð við geðröskunum og að það eigi við á Íslandi eins og víðast hvar annars staðar.

Hægt verður að nálgast ársritið á starfsstöðvum VIRK auk þess sem finna má ársritið rafrænt á Issuu og á vef VIRK.

Sökum samkomutakmarkana vegna COVID-19 þá var ársfundur VIRK haldinn með rafrænu sniði þriðjudaginn 27. apríl kl. 13.00-14.00.

21,3 milljarða ávinningur var af starfsemi VIRK árið 2020 og ávinningur á hvern útskrifaðan einstakling nam 13,3 milljónum króna.

VIRK hefur flutt skrifstofur sínar og þjónustuver í Borgartún 18.

Mikilvægt er að stjórnendur þekki einkenni streitu og hvernig streita þróast. Streitustiginn er verkfæri sem finna má á velvirk.is sem vinnustaðir geta nýtt sér. Á Streitustiganum getur fólk mátað líðan sína miðað við eftirfarandi stig: Svalur – Volgur – Logandi – Bráðnaður - Brunnin.

Sett hefur verið fram ný rannsóknastefna VIRK og verklag um rannsóknasamstarf. Leitast verður eftir rannsóknarsamstarfi við öflugt vísindafólk á vettvangi starfsendurhæfingar og sérstök áhersla lögð á samstarf við nemendur á meistara- og doktorsnámsstigi og leiðbeinendur þeirra.