Fara í efni

Styrkir

VIRK Starfsendurhæfingarsjóði er heimilt samkvæmt lögum að styrkja og stuðla með öðrum hætti að rannsóknum, þróun og uppbyggingu í atvinnutengdri starfsendurhæfingu.

Framkvæmdastórn VIRK úthlutar styrkjum einu sinni á ári í samræmi við Rannsóknarstefnu VIRK og þurfa umsóknir um styrki að hafa borist sjóðnum fyrir lok dags 15. febrúar ár hvert.

Umsóknir og fylgiskjöl skal senda á styrkir@virk.is.  Aðeins umsóknir sem uppfylla allar reglur um styrki VIRK eru teknar til greina. 

Hér að neðan má finna stefnu og reglur varðandi umsóknir í sjóðinn auk umsóknareyðublaða fyrir styrki sem VIRK veitir til rannsóknaverkefna, þróunarverkefna eða til virkniúrræða.

Styrkir til virkniúrræða

VIRK veitir styrki til virkniúrræða sem styðja við og auka árangur í starfsendurhæfingu. Markmið VIRK með styrkveitingunum til virkniúrræða er að stuðla að samstarfi við aðila sem veita opið og gjaldfrjálst aðgengi að þjónustu fyrir einstaklinga sem glíma við heilsubrest sem hefur áhrif á atvinnuþátttöku þeirra. Sjá reglur um úthlutun styrkja til virkniúrræða hér og umsóknareyðublað hér.

Styrkir til rannsóknarverkefna

Þá veitir VIRK styrki til rannsóknarverkefna eða annarra verkefna tengdum starfsendurhæfingu sem hafa það að markmiði að stuðla að uppbyggingu í starfsendurhæfingu og auka almenna þekkingu á starfsendurhæfingu á Íslandi. Reglur um úthlutun styrkja vegna rannsóknarverkefna má finna hér og umsóknareyðublað hér. 

Styrkir til uppbyggingar og þróunarverkefna

VIRK veitir einnig styrki til uppbyggingar- og þróunarverkefna í starfsendurhæfingu sem hafa það að markmiði að stuðla að aukinni fjölbreytni og framboði úrræða í starfsendurhæfingu á Íslandi og þróun þeirra. Reglur um úthlutun styrkja til uppbyggingar- og þróunarverkefna má finna hér og umsóknareyðublað hér. 

Ákvarðanir um styrkveitingar eru teknar af framkvæmdastjórn VIRK að fenginni umsögn frá sérfræðingum sjóðsins. Formleg afhending styrkja fer fram á ársfundi VIRK.

Rannsóknastefna VIRK
Markmið og leiðir rannsóknastefnu VIRK
Reglur um úthlutun styrkja vegna rannsóknarverkefna
Reglur um styrki til uppbyggingar- og þróunarverkefna í starfsendurhæfingu
Umsóknareyðublað vegna rannsókna- og þróunarverkefna á vegum VIRK
Reglur um úthlutun stykja til virkniúrræða
Umsóknareyðublað vegna styrkja til virkniúrræða 

Úthlutun styrkja VIRK 2019.
Úthlutun styrkja VIRK 2020.

Hafa samband