Fréttir

,,Karen sótti um allt fyrir mig sem ég átti rétt á þegar ég fór af launaskrá og fór í gegnum það allt með mér ásamt læknunum mínum. Það fylgdi því mikil öryggiskennd að njóta aðstoðar hennar við þessar umsóknir. Ég veit ekki hvernig ég hefði annars farið að því að ég var algjörlega ókunnug öllu þessi kerfi. Ég gat og get enn alltaf leitað til Karenar sem vill allt fyrir mig gera. Hún vill fylgjast með mér áfram og það er gott að geta treyst henni fyrir öllu.“

Samtímis því sem Matthías var í sjúkraþjálfun fór hann reglulega í viðtöl til Karenar ráðgjafa. ,,Þetta hafa verið mjög ánægjuleg samskipti og hún fylgist enn með mér,“ tekur hann fram. ,,Að fara í heimsókn að minnsta kosti einu sinni í viku er mikilvægt að mínu mati.“

Vegna verkjanna sem Friðrik er enn með stefndi hann að því að skipta um starfsvettvang. ,,Ég hef verið að leita fyrir mér annað slagið og byrjaði að vinna á sambýli 1. október síðastliðinn. Þetta er vaktavinna og mér líst mjög vel á hana.“ ,,Það er svolítið átak að byrja aftur þegar maður er búinn að vera frá vinnu í nær tvö ár og í starfi sem maður hefur aldrei unnið við. En ég held að það sé bara eðlilegt að finna fyrir svolitlum kvíða. En þegar ég fór að tala við fólkið sem ég vinn með þá hvarf allur kvíði. Þetta er bara gott mál.“

,,Ég byrjaði í hálfu starfi þann 1. nóvember síðastliðinn. Ef ég hefði ekki frétt af þjónustu Starfsendurhæfingarsjóðs, sem er manni að kostnaðarlausu, væri ég mögulega enn í veikindaleyfi. Ég hafði ekki hugmynd um að hægt væri að fá þessa aðstoð og það vissu starfsfélagar mínir ekki heldur. Að vísu var yfirmanni mínum kunnugt um það en það hefur sennilega bara verið vegna athugunarleysis sem hann benti mér ekki á þessa þjónustu.“

,,Karen hefur verið að spyrja mig að því hvort ég ætli ekki að nýta mér alla tímana. Mér finnst frábært að hún skuli hafa samband við mig til þess að fylgjast með því hvernig mér gengur. Það er mjög notaleg tilfinning og ég er afar þakklát fyrir alla aðstoðina sem ég hef fengið.“

,,Ég vildi ólm komast aftur til vinnu en þetta var dálítið erfitt. Ég hafði aldrei hlíft mér þegar taka þurfti á og það var alveg nýtt fyrir mér að vera hálfgerður aumingi. Mér fannst vera pískrað í öllum hornum. Ég verð samt að hlusta á líkamann og byggja mig upp svo ég komi aftur sem betri starfskraftur. Starfsendurhæfingarsjóður hjálpar mér til þess. Það skiptir náttúrlega miklu máli að hjálpa starfsmönnum að komast sem fyrst til vinnu á ný. Ég er afar þakklát fyrir alla aðstoðina sem ég hef fengið til þess.“

,,Ég hafði sagt Karen ráðgjafa frá því að mig langaði til þess að starfa með börnum og hún hvatti mig þess vegna til þess að sækja um vinnu á leikskóla. Ég er í hálfu starfi á Hagaborg og sé um hreyfingu barna þar. Ég hefði aldrei trúað því fyrir ári síðan að ég yrði komin svona langt áleiðis nú,“

„Ég er ánægð með lífið í dag. Ég var vonsvikin þegar ég veiktist og mér fannst fótunum kippt undan mér. Það sem skiptir mestu máli er að gefast ekki upp og vita að hjálpin er til staðar,“ segir Hildur. „Það var ákaflega gott að fá þessa uppörvun og lífið varð miklu léttara. Í framhaldinu hef ég farið óhefðbundna lækningaleið og nota nú heilun, hugleiðslu og dáleiðslu.“

Sama ár og Elísabet Sigurðardóttir kennari greindist með krabbamein gekk hún í gegnum skilnað. Aðstoðin sem hún fékk frá ráðgjafa Kennarasambands Íslands, Margréti Gunnarsdóttur, og Starfsendurhæfingarsjóði við að koma sem sprækust aftur til starfa var þess vegna vel þegin.

„Ég er loksins á leið aftur í vinnu, rúmu ári eftir að mér var sagt upp. Ég var alltaf ákveðin í að halda áfram að vinna, þótt ég eigi ekki mörg ár í eftirlaunin. Stéttarfélagið mitt, VR, hefur staðið eins og klettur við hliðina á mér allan tímann og Heiða Tómasdóttir, ráðgjafinn minn hjá sjúkrasjóði VR, hefur verið óþreytandi að leita lausna fyrir mig. Ég er viss um að ég hefði einangrast heima, ef ég hefði ekki komist aftur út á vinnumarkaðinn.“