Fréttir

VIRK Starfsendurhæfingarsjóður fór af stað með þróunarverkefnið Virkur vinnustaður í samvinnu við atvinnurekendur árið 2011 en verkefni snýst um forvarnir á vinnustað og endurkomu starfsfólks til vinnu eftir veikindi eða slys. Markmið verkefnisins, sem lýkur í árslok, er að veita stjórnendum og starfsmönnum fræðslu og aðstoð við að móta og innleiða stefnu um velferð og eftirlit með fjarveru.

Stjórnvöld ganga þvert á gerða samninga með því að greiða ekki mótframlag sitt til VIRK sagði Hannes G. Sigurðsson, stjórnarformaður VIRK í hádegisfréttum RÚV.

Samstarf og samskipti við erlenda aðila gegna mikilvægu hlutverki í faglegu starfi og uppbyggingu VIRK sem hefur leitað í smiðju fremstu sérfræðinga í heiminum hvað varðar faglegar áherslur og árangursríka nálgun í starfsendurhæfingu. Árangur og uppbygging VIRK hefur vakið athygli erlendis og töluverð eftirspurn er eftir fyrirlesurum frá VIRK á erlendar ráðstefnur og þing.

Tveir nýir ráðgjafar hófu störf nýverið, Elín M. Andrésdóttir fyrir félög háskólamanna og Kristín Björg Jónsdóttir fyrir verkalýðsfélögin á Akranesi. Þá hóf Hrefna Guðmundsdóttir störf sem sérfræðingur á starfsendurhæfingarsviði.

VIRK - leitar að öflugum og metnaðarfullum sérfræðingi til að starfa að fjölbreyttum verkefnum á sviði starfsendurhæfingar og öflugum læknaritara.

Bæklingurinn Verum virk hefur verið þýddur á pólsku. Þá hafa grunnupplýsingar um VIRK verið gerðar aðgengilegar á ensku og pólsku hér á virk.is.

Steinþór B. Jóhannsson leitaði til VIRK og komst á vinnustaðasamning hjá Prentmeti að lokinni starfsendurhæfingu. Honum var vel tekið, fékk góða aðstoð og var fastráðinn hjá fyrirtækinu.

Ótrúlega vel hefur gengið að fá fyrirtæki og bændur til að virkja atvinnulaust fólk með geðraskanir til þátttöku í atvinnulífinu. Vel er tekið í verkefnið og það framkvæmt af myndarskap.

„Það er tiltölulega stutt síðan ég kynntist starfsemi VIRK að ráði og mér finnst hún afskaplega jákvæð. Það er mjög gott að hægt sé að virkja fólk sem ella kynni að detta út af vinnumarkaði."

„Ráðgjafinn hjálpaði mér að setja niður markmið og taka þetta skref fyrir skref. Hún lét mig vita að hún væri til staðar fyrir mig og mér fannst hún ná til mín og ég hefði ekki getað óskað mér neinn annan“