Spurningar til vinnuveitenda
Hér er dæmi um nokkrar spurningar sem þú gætir nýtt þér ef þig vantar hugmyndir að því hvað þig langar að spyrja vinnuveitanda um.
- Hvaða væntingar hafið þið til þess sem sækir um þetta starf?
- Hvaða eiginleikum í starfsmönnum leitið þið eftir?
- Geturðu útskýrt fyrir mér hvernig dagurinn gengur fyrir sig í þessu starfi?
- Hver er vinnutíminn?
- Eruð þið að bjóða sveigjanlegan vinnutíma eða sveigjanlegt vinnuumhverfi (fjarvinnu)?
- Hvernig er vinnuaðstaðan?
- Hver finnst þér mesti kosturinn við vinnustaðinn?
- Hvernig er starfsandinn í fyrirtækinu?
- Er virkt starfsmannafélag? – ef já þá má spyrja hvað það hafi verið að gera undanfarið.
- Hef ég möguleika á starfsþróun innan fyrirtækisins?
- Stendur starfsfólki til boða að sækja námskeið á vegum fyrirtækisins eða á vinnutíma?
- Býður fyrirtækið upp á samgöngusamninga.
- Hvaða laun gerið þið ráð fyrir að greiða?
- Hvenær get ég búist við að heyra frá þér eða ykkur?