Ferilskrá - Uppsetning
Þú ættir að vanda til verka þegar þú gerir ferilskrána þína. Uppsetningin fylgir ekki neinum tilteknum reglum, en þó eru atriði sem mikilvægt er að hafa í huga.
- Uppsetningin þarf að vera nógu einföld til að auðvelt sé að skima yfir hana og sjá fljótt aðalatriðin um þig sem umsækjanda.
- Textinn þarf að vera vel og vandlega yfirlesinn. Gættu að innsláttar og stafsetningarvillum sem gætu hafa slæðst með og fáðu einhvern til að lesa yfir fyrir þig.
- Vertu viss um að allar upplýsingar um tengiliði séu réttar. Bæði hjá sjálfum þér og meðmælendum.
- Gættu þess að öll ártöl tengd námi, störfum og námskeiðum séu í réttri tímaröð. Hafðu það nýjasta efst
og elsta neðst. - Gættu að því að hafa texta hnitmiðaðan og ekki of langan svo að aðalatriðin týnist ekki.
- Gefðu réttu hlutunum vægi og pláss. Ef þú hefur unnið á vinnustað í lengri tíma þá er eðlilegt að það starf taki meira pláss og fái meira vægi á ferilskránni heldur en eitt sumarstarf.
- Stundum getur verið betra að hafa menntun efst í ferilskránni og yfirlit starfa þar fyrir neðan. Þetta á til dæmis vel við í þeim tilvikum þegar nokkur tími er liðið frá því að einstaklingur var í starfi. Hafðu þann þátt efstan sem gefur nýjustu eða bestu mynd af þér.
- Sum störf og atvinnuauglýsingar krefjast þess að ferilskráin sé ítarlegri en ella. Þá er gott að hafa í huga að gefa þeim hlutum aukið vægi sem tengjast nákvæmlega hæfniskröfum starfsins.