Fara í efni

Forvarnarverkefnið VelVIRK

Stjórn VIRK ákvað árið 2018 að hrinda af stað sérstöku forvarnarverkefni sem hafi það markmiði að draga úr líkum á því að einstaklingar falli brott af vinnumarkaði vegna heilsubrests.

Verkefnið er unnið í samstarfi við Vinnueftirlitið, Velferðarráðuneytið og Embætti landlæknis og er þríþætt:

  1. Rannsókn á því hvaða þættir hafa áhrif á það hvort einstaklingar sem glíma við langtímaveikindi snúi til baka í vinnu. Rannsóknin er unnin í samstarfi við Vinnueftirlitið og Sjúkrasjóð VR. Félagsvísindastofnun HÍ sér um framkvæmd rannsóknarinnar. 
  2. Vitundarvakning um þá þætti á vinnustöðum og í umhverfi einstaklinga sem geta valdið heilsubresti og óvinnufærni. Fyrsti hluti vitundarvakningarinnar voru stiklur og auglýsingar sem birtar voru fyrst í desember 2018 undir yfirskriftinni „Er brjálað að gera? Vinnum saman að jafnvægi“.
  3. Vefsíða – velvirk.is - sem inniheldur ýmsan fróðleik, ráðleggingar, greinar, tæki og tól til að stuðla að auknu jafnvægi í lífinu og aukinni vellíðan í vinnu. Á vefsíðunni má finna mikið af gagnlegum efni og góðbendingum sem nýtast starfsfólki og stjórnendum auk annarra.

Heilsueflandi vinnustaður

Fjórði þátturinn bættist við VelVIRK þegar Vigdís Jónsdóttir, framkvæmdastjóri VIRK, Alma D. Möller, landlæknir og Hanna Sigríður Gunnsteinsdóttir, forstjóri Vinnueftirlitsins, rituðu undir viljayfirlýsingu um heilsueflingu á vinnustöðum vorið 2019.

Markmiðið er að stuðla að betri heilsu og vellíðan á vinnustöðum. Mótuð voru viðmið fyrir heilsueflandi vinnustaði sem fyrirtæki og stofnanir geta nýtt sér til að skapa heilsueflandi umhverfi fyrir starfsfólk sitt. 

Haldnir hafa verið reglulega morgunfundir um heilsueflingu á vinnustöðum og unnið var að viðmiðunum fyrir heilsueflandi vinnustaði.

7. október 2021 voru viðmiðin fyrir heilsueflandi vinnustað kynnt og vefsvæði opnað á heilsueflandi.is sem fyrirtæki og stofnanir geta nýtt sér til að skapa heilsueflandi umhverfi fyrir starfsfólk sitt. Sama dag endurnýjuðu Vigdís, Alma og Hanna Sigríður áframhaldandi samstarf og samvinnu stofnananna þriggja um heilsueflingu á vinnustöðum. 

Morgunfundir um heilsueflandi vinnustaði

Ertu á svölum vinnustað? - 18. maí 2022

Heilsueflandi forysta og vellíðan í starfi - 16. mars 2022

Breytingar á vinnustöðum eftir Covid - 9. nóv 2021

Eflum heilsu á vinnustöðum - kynning á viðmiðum um heilsueflandi vinnustað - 7. okt 2021

Líðan starfsfólks og leiðir til velsældar - 25. feb 2021

Fjarvinna og staðvinna - Ógnir og tækifæri - 29. okt 2020

Kulnun - Hvað höfum við lært sem nýtist okkur nú? - 26. maí 2020

Jákvæðir starfshættir á heilsueflandi vinnustað - 15. jan 2020

Heilsueflandi viðmið rýnd og mótuð - 14. nóv 2019

Fara teymisvinna og vellíðan saman? - 12. sept 2019

Er ávaxtakarfa og líkamsræktarstyrktur nóg? - 9. maí 2019

Hamingja á vinnustöðum er alvörumál! - 21. feb 2019

Hafa samband