Creditinfo staðfesti í vikunni að VIRK Starfsendurhæfingarsjóður er í hópi framúrskarandi fyrirtækja á Íslandi árið 2016. Eingöngu komu til greina þau fyrirtæki sem staðist hafa styrkleikamat Creditinfo og uppfylla ströng skilyrði sem lögð eru til grundvallar við greiningu á framúrskarandi fyrirtækjum 2016.

VIRK er á meðal 1,7% íslenskra fyrirtækja sem standast þessar kröfur en af tæplega 35.000 skráðum fyrirtækjum á Íslandi uppfylla 624 skilyrði Creditinfo um styrk og stöðugleika. 

Til þess að eiga kost á viðurkenningunni þurfa fyrirtækin að uppfylla strangt gæðamat byggt á faglegum kröfum og greiningu Creditinfo:

• Hefur skilað ársreikningi til RSK síðastliðin þrjú ár
• Er í lánshæfisflokki 1-3
• Rekstrarhagnaður (EBIT) hefur verið jákvæður þrjú ár í röð
• Ársniðurstaða hefur verið jákvæð þrjú ár í röð
• Eiginfjárhlutfall 20% eða meira þrjú rekstrarár í röð
• Eignir hafa numið 80 milljónum eða meira þrjú ár í röð
• Framkvæmdastjóri er skráður í hlutafélagaskrá
• Fyrirtækið er virkt skv. skilgreiningu Creditinfo

Sjá viðurkenningarskjalið hér.