Virk Starfsendurhæfingarsjóður

Fréttir

Fræðsludagar ráðgjafa í janúar

25.janúar 2012

Mánaðarlega eru haldnir fræðsludagar fyrir ráðgjafa VIRK í starfsendurhæfingu. Í janúar kom fagfólk frá geðsviði Reykjalundar til okkar og hélt námskeiðið „hjálp til sjálfshjálpar“. Á námskeiðinu var kynnt handbók um hugræna atferlismeðferð, notkun hennar við þunglyndi og kvíða, virkni og hreyfing, hugsanir og líðan, hugsanaskrá og bakslagsvarnir. Handbókin er aðgengileg almenningi á veraldarvefnum og getur nýst mörgum sem sjálfshjálparefni við þunglyndi og kvíða. Handbókin kemur sér sérstaklega vel á landssvæðum þar sem aðgengi að fagfólki er takmarkað. Ráðgjafar VIRK geta nú stutt betur við þá einstaklinga sem nýta sér þetta efni.

Lesa meira

Nýir ráðgjafar

20.janúar 2012

Nýir ráðgjafar hafa tekið til starfa hjá stéttarfélögum í samstarfi við VIRK. Þetta eru Helga Bryndís Kristjánsdóttir og Harpa Þórðardóttir sem hafa hafið störf hjá Eflingu, Hlíf og Sjómannafélagi Íslands, með aðsetur hjá Eflingu, Hulda Gunnarsdóttir, Sif Þórsdóttir og Hildur Petra Friðriksdóttir sem starfa hjá VR og Bjarki Þór Baldvinsson sem hefur hafið störf hjá stéttarfélögum á Akureyri og á Eyjafjarðarsvæði, með aðsetur hjá Einingu - Iðju á Akureyri.

Lesa meira

Fjárhagslegur ávinningur starfsendurhæfingar

09.janúar 2012

Ráðgjafafyrirtækið Talnakönnun hefur tekið saman fyrir VIRK nokkur einföld dæmi um fjárhagslegan ávinning þess þegar starfsendurhæfing skilar þeim árangri að einstaklingur tekur fullan þátt á vinnumarkaði í stað þess að fara á örorkulífeyri.

Útreikningar miðuðust við mismunandi forsendur um aldur, launagreiðslur og tímabil starfsendurhæfingar. Reiknað var hver heildarlaun einstaklings yrðu til 67 ára aldurs. Tekið var saman hvað lífeyrissjóður og Tryggingastofnun myndu greiða og hvert tap einstaklingsins yrði - en tap einstaklingsins miðast við þann hluta vinnulauna sem hann fær ekki bættan frá öðrum.

Lesa meira

Skoða allar fréttir

Valmynd

Reynsla

Heilræði

Byrjaðu á að gera það sem er nauðsynlegt, síðan það sem er mögulegt og allt í einu geturðu gert hið ómögulega.

St. Francis of Assisi (1181-1226)

Ljóð vikunnar

Stjarnan

Á milli grárra skýja skín
þú skæra stjarna á himni þínum.
Ég sé þú brosir blítt til mín.
Það brosið svalar huga mínum.

Þú ljómar þarna himinhrein,
svo hjartað yl og blessun finnur.
Er götu mína geng ég ein,
þinn geisli í kyrrþey starf sitt vinnur.

Ó skæra stjarna lýs mér leið
um lífsins myrku og hálu vegi.
Þá verður þrönga gatan greið
uns glampa sé af nýjum degi.

Lilja Kristjánsdóttir

Ráðgjafaspjall

Póstlistar | Hafa samband | Prenta | Veftré

Virk Starfsendurhæfingarsjóður